Chin ramkulh, Thantlang peng Khualhring tlang thluan mawṭawka lam cawhnak cu March thla thok in an cawh cang i, atu hi Thantlang in an thok i Thantlang nichuah lei a luangmi Buva tiang an phan cang, tiah Lairam lei in thawng theih a si.
Tuanvo ngeitu pakhat nih cun " Khuafo tiang hi cu cawh kan i tim nain khuate lei nih phaisa thawh vo an tho kho lo i tutan ṭhal chungah kan phan kho hnga dek maw? Micheukhat khua cu anmah thazaang in an rak cawh ve," tiah a chim.
Atu kan cawhning hin kan kal khawh ahcun Mini Bus a kal kho hnga. Kan hmanmi lamcawhnak cu Mizoram JCB a si i sml pakhat ah Rs.2000 kan pek. Kawl phaisa thlen cun sml pakhat ah 30000 ( Thong sawmthum) kan pek. Atu tiang cu phaisa thlen a ṭum pek a kai pek ah Rs. fangkhat ah Kyat 15 ret in kan i tiang tiah a chim chap.
"Hi kan lam a pem hin cun Khualhringtlang lamcung ah motor kan hmuh khawh ve cang lai. Rang le keng in thil kan phurhnak hi kan pipu hna chan in atu tiang a si. Cawleng hmanh in kan Khualhring tlang ah kan vaak in kan i tlawng kho lo. A tu bantuk in motor lampi kan hun cawh khawhmi hi cu ka mangah ka rel, tiah Thualhringtlang thluan um upa pakhat nih a chim ve.
Posted in: Kanmah Thawng
0 Careltu Hmurka:
Post a Comment