KUALA LUMPUR: Malaysia ram chungah phungninglo (illegal) in rian a ṭuanmi ramdangmi pawl cu hmaizarh thok in tlaih dih an si cang lai, tiah The Star thanhca nih a ṭial. Ramchung humhimnak lei zong timhcia an si kong zong thawng theih a si.
Phungning loin ramdangmi zatuak 1.3 million hrawng hi cozah nih a rak tuahmi 6P kutpinamnak ah ai tel lomi an si lai tiah zumh a si. 6P kutpi namternak cu August 1 in 31, 2011 tiang rak tuah a si. Hi chungah kutpi a nammi tamdeuh cu phungning (legal) ah cohlan an rak si. Tutan operasi luhnak dingah mitlaitu 4 million hman an si lai. Cu chungah Rela 2.8 million, Palik 125, 000 le ralkap 110, 000 an si lai, tiah Secretary-general Tan Sri Mahmood Adam nih a chim. "Hmunkip ah phungning lo ramdangmi tlaihnak cu Immigration lam hruainak in thok a si cang lai,” tiah a chim.
Cupin ah Civil Defence, Customs Departments le nawlngeitu mipi hna zong hi phungning loin aummi ramdangmi thianhnak ah cun an i tel ve lai. Cun Immigration officer 1,400 zong an i tel lai, tiah Immigration lubik Datuk Alias Ahmad nih a chim. "Mah ramdangmi thianhnak cu 6P kutpi namnak ah register ai tuah lomi rianṭuan pawl biatak in thianh kan timhmi hna an si. 6P kutpi namternak caan zong a zatawk in kan pek ko hna, cu caan kan pekmi hna chungah kutpinamnak a tuah lomi pawl cu biatak in tlaih dih an si ko lai," tiah The Star thawngla pawl sin ah a chim.
Alias nih a chim ning ahcun, "phingning lo ramlengmi 380, 000 hna cu 6P program tuahnak chung ah phungning in cohlan an si. Hi chungah 93, 000 hi an ratnak an ram ah kuat ṭhan an si cang," tiah a
chim.___The Star
Posted in: Kanmah Thawng
3 Careltu Hmurka:
Cu thawngpang cu tuksum si ko. Asiah Razaam hi tah tlaih dih maw ka si lai? Ralzaam pawl hi march thla in kutpi nam a si lai tiah thawng kan theih fawn. Mi zeibantuk theng khi dah thianh an timhmi pawl hi an si hnga fiang deih in nan kan chim kho hnga maw?
Nan Thawng thanh cu von kan peh piak kho peng rih hram ulaw kan i lawm tuk ko hnga.
Nan ca tial mi ka rel i ka thin phang pah rel ti lo kaa tim nain rel dih lo nih le ka sia herh ngai fawn.Tu hnu hmai lei caan zong ah thawng rak kan thanh leng mang uh law kan i lawm ko hnga...
Post a Comment