Thlang-nichuahlei Afghanistan le Pakistan ramri pawngkam ah NATO a laang cozah ralkap pawl hmunhmar khuarnak bukpi pakhat cu Taliban ralhrat pawl nih an doh hna ruang ah fak ngaiin an i kaap. NATO a laang cozah ralkap le Taliban miralhrat hriamtlai bu pawl an i dohnak ah Taliban ralkap minung 60 leng an thi tiah Afghanistan ralbawi pakhat nih thawng a thanh. Hriamnam tling tein aa phorhmi, Taliban miralhrat pawl he i kahrulh khawhnak ding caah NATO a laang cozah bu nih cunglei raltuknak vanzuang lawng bawmhnak thazaang a hmang. Paktika pengkulh chungah a cangmi i kahdohnak ah khuachungmi le NATO a laang cozah ralkap lei in a thimi an um lo tiah NATO nih thawngthanhnak a tuah. Afghanistan ramchung humhimnak lei ṭuanvo ngeitu hna nih “NATO ralkap buk a dohtu pawl cu Haqqani Network (a phuphu in a ummi ralhrat) bu chungtel miralhrat pawl an si” tiah thawng an zamh. — Reuters/BBC
Posted in: Ramdang Thawng
1 Careltu Hmurka:
Ka duh ning! Mah ralhrang pawl hi cu lungrethei an si ko...
Post a Comment