THANTLANG: Thantlang Tipil Khrihfabu ah Pastor a ṭuan liomi Sayamah Beauty cu tuzing August 8, sml: 10:00 am hrawngah khan Thantlang khua Biakinn sang, biakinn chuk ah Mawṭaw saikel in ruahlopi in an pah sual i, Thantlang siizungpi ah zual ngai in a um, tiah thawng kan theih.
Pastor Beauty cu zanlei sang tiang a lung a fim kho rih lo. Thantlang sibawipa nih, " Mandalay ah nan kalpi a hau men lai, tiah a ti hna kong Thantlang lei in maivan biaruahnak in an chim.
Tubantuk in Mawṭaw saikel a pahtu hi Thantlang khua ah a ummi si loin Tlangrua khuami a si i a lehlang in Thantlang ah thilcaw ding in a rami a si. A pah le cangka in khua lei ah a zaam colh, tiah theih a si .
" Tlangrua khua in Thantlang ah thilcawk ah Mawṭaw saikel in an ra i, upa deuh pa thil a cawk karlak ah, ngakchia kum 13 hrawng a simi nih Mawṭaw saikel tawh (key) cu a lak i, a thiam tuk lo buin aa cit ruangah tubantukin mi a va pah hnanak cu a si," tiah Thantlang um mino pakhat nih a chim.
Posted in: Kanmah Thawng
2 Careltu Hmurka:
thanks for posting this blog. its really very helpful for us.
Safariors Guide
You need to kill time, you need entertainment. Refer to our website. hope you get the most comfort.
Thanks you for sharing!
safariors
Post a Comment