Chin ramkulh khualipi Hakha khua Dawrhlun sang ah May 9 ni zan ah khan i sikvelhnak in mi pakhat nunnnak a liam tiah Khonumthung thanhca nih a ṭial.
Magwe ramṭhen Gangaw peng Kan khuami U Kyi Kyi Htwe, 45 cu May 8 zarhpini ah rianṭuan dingin Hakha khua ah a rak phak ah tubantuk thil a ton i a thihnak hi a si tiah Hakha khuahlum pakhat nih a chim. U Kyi Kyi Htwe cu Hakha khuami 4 he May 8 ni ah khan hmunkhat ah zu an dinṭinak in pakhat le pakhat an bia a tam sual ruangah a tubantuk thil an tonnak hi a si.
"Zu hmunkhat an dinṭinak in bia i alnak le i sikvelhnak an chuahpi i an kut a luan sual ruangah a si men lai, a thaizing zingka te ah lam cungah a tho kho loin a rak rilh ko kha an hmuh i, a thaw cu a rak cat rih lo nain zei bia hmanh a chim kho ti lo, siizung ah an kalpi hnuah siizung ah a nunnak a liam hi a si," tiah Hakha khua um pakhat nih cun a chim.
Kyi Kyi Thwe a thattu an si lai tiah ruahmi le puhmi 4 chungah pakhat Bawia cu May 10 ni ah khan Thantlang palik nih an tlaih i a dang pakhat cu Mizoram lei ah a tli manh i, hi kong ah zumh lomi minung 7 zong an tlaih chih hna tiah theih a si. May 2 ni i Hakha khua ah a cangmi inn kanghnak ruangah innchung pakhat ah mi 4 nunnak a liammi kong ah mi nih tuah hrammi le thahmi an si ko lai tiah mipi nih an zumh kong zong theih chih a si.—Khonunthung News.
Posted in: Kanmah Thawng
0 Careltu Hmurka:
Post a Comment